الفنانة انتصار تهاجم محمد رمضان: "مش نمبر وان"
كتبت :امنية مصطفى
تحدثت الفنانة "انتصار" ، إن يوجد علاقة قوية تجمعها بالفنان محمد رمضان، موضحةً: "مزعلش مني لما قلت إنه مش نمبر وان، علاقتي قوية به بدرجة أكبر من إنه يزعل مني".
وأضافت انتصار، خلال حوارها مع الإعلامية بسمة وهبة مقدمة برنامج "العرافة"، على قناة "المحور": "بمثل له حاجة مهمة، وهو يمثل لي ذكرى مهمة ذكرني بها، كان لسه مش معروف وصغير شوية عن كده، كان بيمشي مع صاحب شبهه أوي في مسرح البالون، وكان بشنطة هاند باج على كتفهم كأنهم خارجين من المدرسة،دخلوا مسرح البالون، كنت واقفة مع الفنان الراحل إبراهيم نصر، والمخرج الراحل محسن إبراهيم جوه الخشبة، ولقيت 2 صغيرين ورفيعين، كنا بنعمل حاجة للشغل، وأنا الوحيدة اللي انتبهت لمحمد رمضان وصحبه، فقالي إحنا بنلف في المسارح وبندور على شغل وفرص، وقلت له أنت عاوز تعمل إيه، إحنا بنعمل بروفات وممكن المخرج يزعق".
وأردفت: "محمد رمضان كان عارف إن ده محسن حلمي وقالي عاوزين نوري له إننا بنعرف نمثل، فاستأذنت المخرج، ولما لقاني متحمسة قالي هاتيهم، قلعوا الشنط وقلد أحمد زكي أو محمد سعد وجابه بالظبط، وزميله عمل الشخصية التانية، وقعدوا وقت كتير، فأنا صفقت، وقلت لهم لازم يمشوا، عشان كنت خايفة أتشاط من المخرج وإبراهيم نصر، وفضلت أساعدهم عشان كنا بالليل".
واستكملت : "كنا في مهرجان القاهرة السينمائي الدولي، تم عرض فيلم له سوسن بدر، وسلم عليّ، وقالي إزيك يا انتصار، فقالي إنتي مش فاكرة!؟ قالي أنا الولد الصغير اللي كان معاه صحبه على مسرح البالون وفكرني بالموقف.
